Uhlangothi olubona ngezokuqhutshwa kokhetho olwe Zimbabwe Electoral Commission, lukhuthazwa ukuphuma lendlela zokuphathisa abaphila lobugoga lapho bevota.
Ngasikhathi sinye uhulumende ukhuthazwa ukutholisa loluhlangothi okudingakalayo ukuze lwenelise ukuqhuba umsebenzi ngendlela esuthisayo.
Lokhu ngokunye kokuphume embikweni olotshwe yinhlanganiso ebona ngendlela ukhetho oluqhutshwa ngayo eye Election Resource Centre ngemva kokuyabona ukhetho lwama By - elections olweMarondera Central luqhutshwa.
Abe ERC bathi ukusetshenziswa kwempahla enjenge brail, kukhetho, kungaphathisa abaphila lobugoga ukuze zehliswe izehlakalo zabadinga usizo ngesikhathi bevota.
Ophethe uhlangothi lokucubungula, enhlanganisweni yeElection Resource Centre, umnumzana Collen Chibango, uthi lokhu yikho abakunanzelele ukuthi kuyasilela kukhetho lwe Marondera.
Kungumsebenzi wakhe uhulumende ukutholisa i-ZEC, konke okudingakalayo ekuqhubeni ukhetho njengalokho okutshiwo ngumthetho.
Abe ERC bathi kumqoka ukuba abe ZEC baqonqosele ukulandelwa komthetho yokuziphatha kwabamabandla ezombusazwe ukuze zehliswe izehlakalo zokwethuselwa kwabantu ngesikhathi sokhetho.
Your browser doesn’t support HTML5
Udaba lokukhuthaza iZEC ukuthi yenze kube lula ukuthi abaphila lobugoga bavote