Sokusele iviki eyodwa ukuthi uzulu weZimbabwe avote kukhetho lokudinga umongameli, amalunga edale lephalamende lamakhansila abantu abaphila lobugoga bekhala ezimathonsi ngokungaphathwa kahle ezibhedlela.
UNkosikazi Dona Ncube ophila lobugoga ufisa ukuthi baphathwe kahle ezibhedlela
"Bengicela ukuba uhulumende angincede ngemali yokuyakwelatshwa amadolo engaba zinkulunwane ezilitshumi lambili".
Bayakhala abaphila lobugoga.
UNkosazana Chido Wedzerayi ophila lobugoga uchaze ukuba sewaqeda isikolo kodwa kalathuba lokufunda ayephambili njalo engagula esibhedlela katholi sizo ulodubo lwamehlo.
Uthe ulodubo njalo lokuthola isithupha ngakho-ke kenelisanga ukubhalisela ukuvota.
"Angilamali yokuqedisa izifundo zami, esibhedlela angenelisi ukuthola usizo lokwelatshwa ngoba angilamali njalo angenelisanga ukubhalisela ukuvota ngenxa yodubo lokuthola isithupha".
Omunye ophila lobugoga uNkosazana Bester Dube uthi udubo abalalo yikuzithengela amaphilisi kulokuthi baphiwe esibhedlela.
"Siyajabula ukuba lapha loNkosikazi Mnangagwa udubo esilalo yikuthi sinaya esibhedlela bathi sizithengele amaphilisi".
UNkosikazi Juliana Nkiwane uthi kabatholi lutho ubonga usizo abalulethwelwe nguNkosikazi Mnangagwa kunje balezikwelede ezibhedlela lemakilinika ethi kabala mali njalo abenelisi ukuzisebenzela.
UNkosikazi Auxillia Mnangawa kumaviki amabili adluleyo uthembise abantu abaphila lobugoga ukuba ngeke abalibala embusweni ozayo.
Uthe uzakhangela zonke izikhalazo zabo.
Your browser doesn’t support HTML5
Udaba lwempilakahle yabaphila lobugoga siluphiwa nguAnnahstacia Ndlovu