Abaphikisayo labalwela ilungelo lika zulu bakhala ngokuncipha kombuso kazulu eZimbabwe.
Bathi ukuvalelwa kwabanye babo eRemand Prison kuveza ukuba uhulumende kaMongameli Emmerson Mnangagwa ngowentandokayiphikiswa.
UMnu. Pashor Raphael Sibanda owayemele iCowdray Park edale lephalamende uthi akulunganga okwenziwa nguMnangagwa labanye bakhe.
USibanda uthi ukubotshwa kwabanye bakhe kunciphisa ukube eleZimbabwe libe lombuso kazulu.
: Lokhu kusekelwa nguMnu. Nhlanhla Moses Ncube unobhala jikelele weFreedom Alliance.
UNcube uthi uMnangagwa usezigcobe ngodaka.
Kodwa uMnu. Kuda Munsaka webandla leZanu PF uyakuphika lokhu.
Abaphikisayo labalwela ilungelo loluntu abedlula ikhulu lamatshumi ayisithupha ababotshwa kulungiselela umhlangano weSADC Summit owaqhutshwa eHarare ngeviki ephelileyo bevalelwe eRemand Prison. Babhekane lamacala okwephula iziqondiso zomthetho owesatshwa nguzulu oweCriminal Law (Codification) and Reform Act.
SEE ALSO:
Udaba Esilwethulelwe NguGibbs Dube