Bakhathazekile abanye abantu kwele Zimbabwe abathi umnotho kawusoze uguquke lonyaka ngoba uyazehlulekela uhulumende kaMongameli Emmerson Mnangagwa. Kodwa abakubandla elibusayo bathi abantu kumele bebelamacebo alakho ukuguqula impilo yabo lonyaka.
Omunye wabathi akusoze uguquke umnotho wakwele Zimbabwe nguNkosikazi Zanele Mguni, okhokhela ibandla leMayibuye People’s Party.
UNkosikazi Mguni uthi kumnyama phambili.
UMnu. Godknows Sibanda owebandla leCongress of Transformation laye uthandabuza okuzakwenziwa nguhulumende kaMnangagwa lonyaka ekuthuthukiseni umnotho.
Kodwa uMnu. Joseph Tshuma uthi abantu kumele bedinga amacebo amatsha okuzithuthukisa lonyaka ngesikhathi kulesikhudumezi se-El Nino.
Kukhangelelwe ukuba umnotho wakwele Zimbabwe uzancipha lonyaka ngenxa yesikhudumezi se-El Nino esidala ukuba izulu lingani ngemfanelo.
SEE ALSO:
Udaba Esilwethulelwe NguGibbs Dube