Kulabaphikisayo abavalelwe entilongweni labanye abakhululwa ngamapholisa besanda kubotshwa besetheswa amacala okuqhuba imihlangano okungekho emthethweni.
Okwamanje kulamalunga ebandla leCitizens Coalition for Change afika phose amatshumi ayisitshiyangalombili avalelwe entilongweni emelele ukuthoniswa amacala okungena umhlangano weDay of the African Child eHarare kungelamvumo.
Banengi abahi bathwaliswe nzima nguhulumende kaMongameli Emmerson Mnangagwa olungiselela ukubamba okwesikhatshana isikhundla somgcinisihlalo wenhlanganiso yeSouthern African Development Community. Abantu sebebuza ukuba kwenzakalani eZimbabwe.
Ukuze sihlaziye udaba lolu, sixoxe loMnu. Brain Ncube okubandla leZapu loMnu. Joseph Tshuma ilunga lebandla leZanu PF.
UNcube uthi uhulumende weZimbabwe ukhahlameza abaphikisayo okumangalisayo njalo waqala ukwenza lokhu kusukela ilizwe lithola uzibuse.
UTshuma uthi ababotshwa ngamapholisa ngabantu abacatshangelwa ukuba bephula umthetho.
SEE ALSO:
Ingxoxo Esiyenze LoMnu. Joseph Tshuma loMnu. Brian Ncube