Umanyano weSouthern African Development Community (SADC) ngoLwesithathu uncome ukhetho olusanda kuqhutshwa kweleMozambique okulabantu abaphikisayo abatshengisela emigwaqweni kulelolizwe besola impumela yokhetho okunqobe ibandla leFrelimo.
Umanyano lo oqhube umhlangano weExtraordinary Summit eHarare wethule umbiko ongavezanga ukuba luzaphathwa njani udaba lwakweleMozambique ngaphandle kokuthi inhlanganiso le izalandela iziqondiso zayo ekulungiseni okuhluphayo kulelolizwe.
UMongameli Filipe Nyusi wakweleMozambique namuhla uthe bonke ababencintisana kukhetho lukamongameli kumele bekhulumisane ukuze kuphele ukuxokozela elizweni leli ngoba lokhu sokubhidliza umnotho.
Kubikwa ukuba abezomvikela sebebulele abantu abangamatshumi amahlanu ababetshengisela emigwaqweni eMozambique bekhonona ngempumela yokhetho okwanqoba uMnu. Daniel Chapo weFrelimo.
Ukuze sihlaziye udaba lolu, sixoxe loMnu. Nhlanhla Moses Ncube onobhala jikelele wenhlanganiso yeFreedom Alliance othi akuqedakali okwenziwa yiSADC.
Kodwa uMnu. Kuda Munsaka okuhlanganiso yeForever Associates Zimbabwe edlelana lebandla leZanu PF uthi iSADC yenze kahle ngokukhuluma ngodaba lokhetho lwakweleMozambique "oluthakazelelwa nguzulu.”
SEE ALSO:
Ingxoxo Esiyenze loMnu. Nhlanhla Moses Ncube loMnu. Kuda Munsaka