Abaphikisayo Basekela iUnited Nations Ethi Akwenziwe Uphenyo Lokuhlolisisa Ukuthunjwa Kwamalunga eCCC

WASHINGTON — 

Abaphikisayo bathi kumele kwenziwe uphenyo lokuhlolisisa udaba lokuthunjwa kwamalunga ebandla leCitizens Coalition for Change (CCC).

Bathi kuyamangalisa ukuba abathumba amalunga eCCC kababotshwa nguhulumende kaMongameli Emmerson Mnangagwa.

Amabandla agoqela eleCCC, eleMthwakazi Republic Party, lamanye bancoma okwethulwe yinhlanganiso yeUnited Nations ethi kumele kwenziwe uphenyo olujulileyo ngesehlakalo lesi.

Kodwa abakubandla leZanu PF bathi kabazi lutho ngokuthunjwa kwabantu eZimbabwe. Ukuhlaziya udaba lolu, sixoxe loMnu. Nhlanhla Moses Ncube, unobhala jikelele wenhlanganiso yeFreedom Alliance othi kuzakubanzima ukuba kulandelwe isicelo seUnited Nations.

SEE ALSO:

Ingxoxo Esiyenze LoMnu. Nhlanhla Moses Ncube

Siphinde saxoxa ngodaba lolu loMnu. Joseph Tshuma okudale leZANU PF Central Committee othi ibandla leZanu PF kalazi lutho ngokuthunjwa kwabantu.

SEE ALSO:

Ingxoxo Esiyenze LoMnu. Joseph Tshuma

Abacatshangelwa ukuba bandlelana lohulumende kaMnangagwa basanda kubulala uMfundisi Tapfumaneyi Masaya, owatholakala efile eHarare kulandela ukuthunjwa kwakhe eMabvuku.