Inhlanganiso yabazali labaqondisi bezikolo iZimbabwe Schools Development Association ithi kulabaphathi bezikolo abanengi kanye labakumakhomithi ezikolo abetshontsha imali ezikolo.
Umnu. Claudio Mutasa umqondisi wenhlanganiso le uthi abanye abaphathiskolo lamalunga amakhomithi la beba ngokuloba ama invoices akhuphukileyo nxa bethenga amabhuku kumbe okokwakhisa izikolo.
Umnu. Mutasa uthi benza lokhu labanikazi bezitolo ezithengisela izikolo impahla etshiyeneyo.
Uthi imali yesifumbathiso iphiwa abaphathisikolo lamalunga amakhomithi nxa izikolo sezibhadalela ezikuthengileyo. Uphinde wathi lokhu sokuvamile ezikolo ezinengi.
Umnu. David Ccoltart umphathintambo kahulumende obona ngezemfundo usanda kwethula umbiko othi sokulobusela obumangalisayo ezikolo ezinengi kwele Zimbabwe.
Umnu. Agent Moyo omunye wabathenga impahla lomphathisikolo uthi kuvamile ukuthi abanye beba imali ngokukhuphula intengo yamabhuku, izitina lokunye okutshiyeneyo.
Umnu. Paul Ngwenya owayengumpathisikolo kwele Zimbabwe uthi kumele uhulumende abumbe imithetho ezakwenqabela ukwebiwa kwemali ezikolo.
