Abahlali bakaWard 26 eNketha koBulawayo batshengisele ngoMgqibelo besola ukuthi amalunga amabili ebandla leCitizens Coalition for Change, abalisa uMnu. Mpumelelo Moyo loMnu. Norman Hlabani akhangelelwe ukuncintisa kusikhundla sokudinga ozamela lindawo ekhansili kukhetho lwama by elections ngenyanga ezayo.
Ibandla leCCC belithe uMnu. Mpumelelo Moyo wavuma ukutshiya lumncintiswano.
Amaphepha abethwelwe ngabatshengiselayo abekhomba ukuthi abanye basekela uMnu. Moyo njalo basola inkokheli yeCCC ngokwenzakalayo.
Kodwa isikhulumeli sesigaba sakoBulawayo kulelibandla uMnu. Swithern Chirowodza uthi izenzo zikaMnu. Moyo kanye lezalabo abatshengiseleyo zikhomba ukuthi abasomalunga ebandla labo.
Your browser doesn’t support HTML5
Ingxoxo loMnu. Swithurn Chirowodza
UMnu. Mpumulelo Moyo utshele iStudio 7 ukuthi kasoze akhulume ngaloludaba wathi imbuzo yonke siyiqondise kunkokheli yebandla lakhe leCCC..