Kulabanye abantu emaphandleni abathi kabazi lutho ngomhlobo wemali yeZimbabwe Gold kumbe iZiG.
Bathi bafisa ukuba kusetshenziswe idollar leMelika, ama-rand kanye lama pula elizweni.
Izakhamizi ezihlala eLupane, eTsholotsho, Gwanda lezinye indawo zithi zilolwazi olulutshwana ngokusetshenziswa kwe-ZiG. Zithi kuyabahlupha kakhulu ukuthi eleZimbabwe seliguqula imali kulandela ukusetshenziswa kohlobo lwemali yama-bond, RTGS lama bearers checks okwacina kungasathengi lutho.
Omunye wakhathazekileyo nguNkosikazi Lydia Mguni ohlala eJotsholo.
UMnu. Thembelani Moyo ohlala eLupane laye uthi abantu kabakwazi abakwenzayo kulandela ukwethulwa kwemali entsha.
UMnu. Malaki Nkomo, okubandla leZanu PF, uthi abantu kumele bebekezela ngoba uhulumende uyakwazi akwenzayo.
Usibalikhulu webhanga leReserve Bank of Zimbabwe, uMnu. John Mushayavanhu, uthi abantu bazafundiswa ngokusetshenziswa kwemali le.
Okwamanje ibhanga leli selithapha imibona kazulu lidingisisa ngendlela abantu abafisa ukuba kusetshenziswe ngayo imali entsha. Imali yohlobo lwe-bond ibisigugudeke okokuthi kayisathengi lutho.
SEE ALSO:
Udaba Esilwethulelwe NguGibbs Dube