Uzulu wakoBulawayo ubethe gwaqa enkundleni yeWhite City Stadium enanza ilanga likazibuse. Abantu babuye ngobunengi emkhosini lo lapho obekusenziwa imicimbi etshiyeneyo.
Umphathintambo wedolobho lakoBulawayo uNkosikazi Judith Ncube, uthi ilanga likazibuse belilihle njalo abantu baze ngobunengi ngemva kokutshelwa ukuthi lolu lusuku lomuntu wonke kungakhethalekile ukuthi ngowaliphi ibandla lezombusazwe.
Omunye wabasakhulayo ongene umcimbi walamuhla uthi ilanga leli kalisoli ngoba limkhumbuza lapho abavela khona besuka ebugqilini ngoba khathesi sebephila ngcono.
“Mina njengomuntu omutsha ilanga leli angilisoli ngilibona lilentuthuko kithi lisikhumbuza futhi lapho esasuka khona ebugqilini lapho okhokho bethu besiza kweyinye igeneration ngobakhathesi sesiphila kuhle okungela budlwangudlwangu njengakudala.”
UNkosikazi Nobuhle Moyo isakhamuzi sakoBulawayo uthi kaboni ukuthi isizwe sithakazelelani ngoba udubo luyakhula.
“Mina angiboni ukuthi independence siyicelebrathelani ngani secelebrater ukuthi udubo lube worse akulalutho olutshintshayo okumele ukuthi nga izinto ziyehlile ,kulemali kulemisebenzi lemali yakhona ayisathengi lutho ngaze uyithwalwe kumele ube ubelama thousand ukuze uthenge igroceryekwana ipaper bag so ukuthi utshone usiya ku independence usiya celebrater ngcono uzihlalele ngkhaya.”Omunye wabasakhulayo uthi uthi ukunanzwa kwaleli langa uyakusekela kodwa inkinga yikuthi abatsha kabananzwa.
“Mina ilanga leli ngiyalithakazelela ngoba lasilethela inkululeko kodwa akugcwaliseke ngokuthi lathi sithole imisebenzi sikwanise ukuthi siziphilise kodwa akula lutho olukhanyayo lokhu kusuka kungagcwalisisi uzibuse ngoba kufanele sizizwe sikhululekile hayikhona ukuhlala singenzi lutho kodwa sisithi sikhululekile ukukhululeka kumele kuphelele. ”
Emazwini akhe emele uMongameli Emmerson Mnangagwa, uNkosikazi Ncube uthe yena iZimbabwe lilizwe elihle kakhulu ngakho wonke umuntu kumele aluthakazelele lolu suku ngoba igazi elachithekayo linengi kakhulu. Ekhuthaza uzulu ukuthi kazame ngamandla wonke ukuthi izinto zihambe ngendlela elizweni, wonke umuntu azizwe ekhululekile kube lenkululeko kuyewonke umuntu omdala lomcane.
Abantu bakoBulawayo bakhanye beluthakazelela lolu suku ngoba baphume ngobunengi bezonanza uzibuse ngokuthana eWhite City stadium besenza imicimbi etshiyeneyo ngokuthula kungela budlwangudlwangu.
Your browser doesn’t support HTML5
Udaba lokunanzwa kwelanga likazibuse koBulawayo siluphiwa nguAnnahstacia Ndlovu