Inhlanganiso ye Red Cross yethule umbiko oveza sobala isimo sendlala elizweni, isithi abantu abedlula izigidi ezimbili 2.17 million bafuna uncedo lokudla masinyane.
Inhlanganiso ye International Federation of Red Cross and Red Crescent Societies ihle yethula isicelo enhlanganisweni zomhlaba ukuthi ziphathise ilizwe ngokudla.
Ababona ngezokulima elizweni bathi isivuno somumbu lonyaka sizakuba yisisindo senkulungwane ezingamakhulu amahlanu zamatonnes-500,000 tonnes lona ilizwe lifuna isivuno esiyi zigidi phose ezimbili zamatonne omumbu.
Sikhulume lesiphathamandla esisebenza ehofisini yomqondisi wenhlanganiso ephathisa ngokudla eye World Vision uMnumzana Bhekimpilo Khanye, othi inhlanganiso yakhe ikhangelele ukwenza inhlolisiso yayo ngomumo wendlala elizweni, ukuze ibelolwazi lokuthi uzulu weZimbabwe ufuna ncedo bani.
