Ingozi zemigwaqweni ziyanda ngesikhathi sekhefu leKhisimusi lokuqala komnyaka omutsha.
Minyaka yonke kulabantu abanengi kakhulu abafela kulezingozi.
IZimbabwe National Statistics Agency ithi abantu abedlula amakhulu ayisithupha - 600 bafele engozini zemigwaqweni kunyanga ezine kugqitshwa umnyaka ka2023.
Amapholisa asekhuthaze abantu ukuthi batshayele ngonanzelelo ngalesi sikhathi njalo bengahambi ebusuku.
Okunye okubikwa kubangela ingozi lezi yibubi bemigwaqo yelizwe efana lobambanisa uBulawayo leVictoria Falls lebambanisa iHarare leChirundu okubikwa ingasahambeki.
Ekhuluma leStudio7 uMnu. Mcleo Mapfumo osebenza lenhlanganiso yeSafe School Zones Zimbabwe ukhuthaze ukuvikeleka emigwaqweni ikakhulu eduzane lezikolo.
Your browser doesn’t support HTML5
Ingxoxo loMnu Mcleo Mapfumo.