Abantu abanengi emaphandleni bathi kabayisebenzini imali entsha eyohlobo lweZimbabwe Gold (ZiG) ngenxa yobunzima bokusebenzisa omakhalekhukhwini abangabambi ngendlela eqondileyo.
Bathi basebenzisa imali yakwamanye amazwe kuphela egoqela amadollar eMelika, ama-rand kanye lama pula. Induna uFuyana wesigabeni seKezi uthi kunzima ukusebenzisa iZiG eMaphisa lezinye indawo.
Bakhona njalo abantu ezigabeni ezibalisa eMangwe, Bulilima, Beitbridge, Gwanda South, Insiza, Nkayi, Lupane lezinye okungasetshenziswa imali le.
Omunye wabangasebenzisi iZiG nguMnu. Thembelani Moyo, ohlala eLupane.
UNkosikazi Soneni Sibanda ohlala eGwanda South uthi bathenga ngama rand esigabeni seManama.
Uhulumende uthi kumele iZiG isetshenziswe ilizwe lonke. Sekubotshwe abantu abafika phose ikhulu abatholakale bethenga njalo bethengisa iZiG.
SEE ALSO:
Udaba Esilwethulelwe NguGibbs Dube