Inkulungwane lenkulungwane zabantu zifole emigwaqweni koBulawayo namuhla zicula zivalelisa ugogo obelodumo uRose Nyathi, obhubhe ngoMgqibelo.
Bekulabantu abanengi leBulawayo Amphitheater obekuvaleliswa uMaNyathi obelwela ilungelo labathenga bethengisa impahla emigwaqweni njalo obethanda ukukhuluma obekuhlekisa uzulu. Abantu abahambe emthandazweni wesikhumbuzo sikaMaNyathi bancome kakhulu imisebenzi yakhe. Indodana yakhe uKenny Dube ubonge unina ngemfundiso amnika yona.
Bavalelisa uGogo Rose Nyathi koBulawayo
Bekulabantu abanengi leBulawayo Amphitheater obekuvaleliswa uMaNyathi obelwela ilungelo labathenga bethengisa impahla emigwaqweni njalo obethanda ukukhuluma obekuhlekisa uzulu.
Abantu abahambe emthandazweni wesikhumbuzo sikaMaNyathi bancome kakhulu imisebenzi yakhe. Indodana yakhe uKenny Dube ubonge unina ngemfundiso amnika yona.
Umngane wakhe omkhulu uNaFarai uthi uMaNyathi umtshiyele isizungu.
Isikhumbuzo sikaGogo Rose Nyathi
"Umama ubengu baba ubengu mama kimi, imfundiso yakhe ekade igcwele ubuhlakani ngiyayibonga ingitshiye ngisendaweni engcono kakhulu. Noma elele namuhla simfihlile laphana ungitshiye ngilethemba elokuthi noma ngibhekane lezinhlungu zempilo."
Umngane wakhe omkhulu uNaFarai uthi uMaNyathi umtshiyele isizungu.
"Ngiphinde ngithabe ukuthi into ekade eyilwela lets hope bazayiqedisa labo abaseleyo umsebenzi wakhe uphambili, simlandele into ekade ezifisa ukuthi aziyenze emjahweni lo . Ubengafuni idoti, ubengakhethi mhlobo ngiyamthanda usisi wami noma engitshiyele iqhubu elibuhlungu."
Abezombusazwe labo bavalelise ugogo wodumo obesaziwa ngokuthi yi-Bulawayo celebrity. UMnu. Surrender Kapoikilu, omele isigaba seBulawayo Central edale lephalamende, uthi ubezwana kakhulu loGogo Rose.
Gogo Rose Nyathi memorial service in Bulawayo
"Akade bethathelwa izinto zabo ngamapholisa eCity Council. She would stage firm and she would stop amapholisa eCity Council from taking those things. Thats one person who would fight against officers and ubengesabi lokuhamba ejele."
Izihlobo zithi ilizwe lilahlekelwe liqhawekazi. Umnewabo uMnu, Mackenzie Mlotshwa uthi udadewabo wayengumuntu othanda iqiniso.
"Abantu silimele nje emhlabeni nkosiyami nje ukukhuluma iqiniso ngithabile nje ngemisebenzi esiwenzelwe ngu Tshisa ofcourse ,iqiniso lakhe khathesi ngibonongani selizwakala ukwedlula esaphila.”
Gogo Rose Nyathi memorial service in Bulawayo
Othenga ethengisa impahla etshiyeneyo uGogo Molly Moyo bekungamathe lolimi loMaNyathi.
"URose ubengumngane wami omkhulu kakhulu sasukela kudala, sasithengisela phezulu khonangale sisonke sasesisehla thina sisiya ngale labo Thabani, so silahlekelwe kakhulu. Ah ubethanda iqiniso ekutshela iqiniso ungaze uzonde uyabe uzidlalisela isikhathi sakho."
Udabukile loThandeka Ncube obencedisa uMaNyathi ukondla abantwana abaswelayo.
Gogo Rose Nyathi memorial service
"Namhla ngithi ngibuhlungu uRose utshiye igap enkulu. Abantu ababuye emfeni laba ngiyamangala inumber leyi more than thousand people."
Ubelabangane abanengi uMaNyathi. Omunye wabo nguGogo Getrude Sibanda.
"Ugogo uRose ngumuntu wabantu, thina ubesesi groomile singama widow. Singama widow about 30 to 45 esesi promise ukuthi uzasenzela into ezinhle.
UMaNyathi ubekwe emini namuhla emancwabeni okulondolozwa amaqhawe eLady Stanely Cemetery ngoba eliqhawekazi lakoBulawayo.