Abantu Abanengi Bakhala Ngokuswela Imali Ngosuku LweKhisimusi

WASHINGTON — 

Bakhala ngokuswela imali abanye abantu eZimbabwe ngekhefu leKhisimusi besithi behluleke ukuthenga ezifela emlonyeni njengalokhu ababekwenza umnotho welizwe usamile.

Bathi kuyadanisa okwenzakala elizweni loba kulabanye abakhomba ngophakathi. Kodwa abafundisi bathi lesi yisikhathi sokunika abaswelayo ukudla lokunye.

UMfundisi Useni Sibanda okunhlanganiso yeZimbabwe Christian Alliance uthi luqakathekile usuku lweKhisimusi.

SEE ALSO:

Ingxoxo Esiyenze loMfundisi Useni Sibanda

Sixoxe njalo loMnu. Promise Mkwananzi isikhulumeli sebandla leCCC othi abantu bathwele nzima eZimbabwe ngakho-ke akulanto abayithakazelela ngekhefu leKhisimusi.

SEE ALSO:

Ingxoxo Esiyenze loMnu. Promise Mkhwanazi

Kodwa uMnu. Joseph Tshuma okudale leZanu PF Central Committee uthi abantu kumele bevuke bezenzele kulokuthi baphile ngokucela kuhulumende.

SEE ALSO:

Ingxoxo Esiyenze loMnu. Joseph Tshuma

Kusenjalo, kubikwa ukuba kulabantu abanengi abalokhu besemngceleni eBeitbridge abazama ukungena elizweni besuka kwele South Africa ngenxa yokugcwala kwabantu endaweni le.

Abanye bathi sebehlale insuku ezimbili bezama ukungena kwele Zimbabwe.