Izizalwane zeZimbabwe ezihlala kwamanye amazwe zithi asikafiki isikhathi sokuthi zibuyele ekhaya ukuyasebenza khona kumbe ukuyavula amabhizimisi. Umumo wezombusazwe lokunye zithi lokhe ungakazinzi elizweni.
Abakhulume leStudio 7 ngoLwesithathu bathe bakebazama ukuloba ugwalo olujulileyo lokuthi bakhulume ngokuthi bangasebenzelana lokulumende ngaziphi indlela.
Bathe okuhluphayo yikuthi ugwalo lolu lwalahlelwa khatshana nguhulumende. Lubikwa luqakathekisa ukuthi izizalwane ezihlahlala emazweni kumele zibelelungelo lokuvota njalo lokuthi uhulumende kumele ahloniphe amalungelo abantu makhaza.
Kambe izizalwane zeZimbabwe zizahlala emazweni kuze kuthini? Ukuze sihlaziye udaba lolu, uGibbs Dube weStudio 7 uxoxe loMnu. Daniel Molokele igqwetha elilwela ilungelo loluntu loMnu. Joseph Tshuma okudale leCentral Committee kubandla leZanu PF.
UMolokele uthe kumele ilizwe leZimbabwe lilobe ugwalo lokuvulela amasanga alabo abahlala emazweni ukuthi bangene kwezombusazwe njalo babe lamabhizimusi kulelo lizwe.
UTshuma uthe wonke umuntu oyisizalwane seZimbabwe uyavunyelwa ukuthi abelobudlelwano lelizwe leZimbabwe.
Your browser doesn’t support HTML5
Ingxoxo Esiyenze LoMnu. Daniel Molokele LoMnu. Joseph Tshuma