Imikhankaso yababili abancitisa kukhetho lukaMongameli weMelika iyaqhubeka ngoLwesithathu amacele womabili ekhangelelwe ukwenza imihlangano yokudinga usekelo eWisconsin laseMichigan.
Ozancintisa emele ibandla lamaDemocrats uNkosikazi Kamala Harris uzakhankasa emhlanganwni lo elomsekeli wakhe amkhethe izolo uMnu Tim Walz, ongusibalukhulu wesigaba weMinnesota.
Ngakolunye uhlangothi umsekeli kaMnu Donald Trump, uMnu JD Vance, owebandla lamaRepublicans, uzakwenza imihlangano ezigabeni ezifanayo eyedwa engela Trump.
Uphenyo olwenziwa zinhlanganiso ezitshiyeneyo luveza ukuthi uHarris loTrump bangutshiki lobhanqa kusekelo abalutholayo phambilini kokhetho oluzakwenziwa ngoLwezi.
Olandela ezombusazwe weMelika uMnu Den Moyo utshele iStudio 7 ukuthi kunengi okwehlukanisa uHarris loTrump, okuzakwenza kubelula ebantwini ukuthi bakhethe abamthandayo.
Your browser doesn’t support HTML5
Ingxoxo loMnu Den Moyo