Abasakhulayo abalwela ilungelo loluntu lokhu bekhala ndawonye lemuli yakoDzamara ngemva ngokubhubha kukaDr. Patson Dzamara, ngeviki edluleyo eleminyaka engamatshumi amathathu lane-34, besithi, ayisikho kulahlekelwa kwemuli yakoDzamara, kodwa layo yonke intsha yeZimbabwe ngoba wayengomunye wabo ababebambisana kumzabalazo wokulwela ukulondolozwa kokuthula eZimbabwe langokuhlonitshwa kwamalungelo oluntu, ukuze abatsha bathole amathuba okuzithuthukisa.
uDr.Patson Dzamara
Ukubhubha kukaDzamara, langokunyamalala komfowabo, uItai Dzamara ngomnyaka ka2015, kutshiye intsha elizweni iveze ukuba ibuhlungu ngokuhlakelwa nguPatson esesemncane kangaka, imncoma ngesibindi sokumelana lokuncidezelwa kwamalungelo abantu, ephakamisa ilizwi lakhe esola okubi okwenzakala elizweni njengomfowabo u-Itai.
UMnu. Charles Nyoni, olwela ilungelo loluntu, oke wasebenza lamajaha womabili akoDzamara u-Itai loPatson, utshele umsakazo weStudio7 ukuthi intsha yeZimbabwe sekumele ikhangele impilo kaDzamara, inanzelele ukuthi sekumele isebenze gadalala ukuncedisa imuli yakoDzamara ukuthi ize ithole impendulo layo ukuthi kuyini okwayenzakalayo kuItai, owanyamalala ngomnyaka ka2015.
Your browser doesn’t support HTML5
Abatsha Bakhuluma Ngempilo KaDr.Patson Dzamara
Uphinde wathi abatsha akusamelanga babuyele emuva, bengakaqhedisi umsebenzi oqalwe ngamajaha amabili akoDzamara, basebenze kuze kufike isikhathi ilungelo loluntu selihlonitshwa eZimbabwe, abatsha sebelakho ukuzithuthukisa.
“Impilo eyaphilwa nguPatson, yimpilo eyayiyengokulwela ilizwe lakhe leZimbabwe, lenhlalakahle kazulu,” kutsho uNyoni.
Your browser doesn’t support HTML5
Ingxoxo esiyenze loCharles Nyoni