Ekuqhubekeni kokudonselana amandla okusebandleni leZanu PF ihlekana labalwa impi yenkululeko lithi lizenza umhlangano wokukhetha inkokheli eMasvingo kuyonale impileviki ngeSonto langoMgqibelo.
Lumhlangano ubizwe ngabathi ngumkhokheli wabo, uMnu. Jabulani Sibanda, osekumele asuke ebukhokheleni ngabo weyisa uNkosikazi Grace Mugabe ngokuthi akumelanga akhulume ngokuxotshwa kukamsekeli kaMugabe unkosikazi Joice Mujuru.
Abalwa impi yenkululeko labo sebesekela inhlangothi ezitshiyeneyo ebandleni leZanu PF, olunye uhlangothi lucatshangelwa ukuthi lukhokhelwa nguNkosikazi Mujuru kuthi olunye lubikwa lukhokhelwa nguMnu. Emmerson Mnangangwa lanxa ababili laba bekulandula lokhu.
UMnu. Joseph Chinotimba, lenye inkokheli yabalwa impi yenkululeko abazithi ngama Elders Of The War Veterans, ababengaziwa, yibo abaqoqa lumbuthano.
Owalwa impi yenkululeko, uMnu. Max Mkandla, utshele iStudio Seven ukuthi umbuthano lo kawusoze ube lamandla ngoba bebalutshwana abalwa impi yenkululeko abawusekelayo.
Your browser doesn’t support HTML5
Ingxoxo loMnu. Max Mkandla