Abalimi abathole izulu eliphansi kwesilinganiso sokufika 40mm kumalanga amabili sebekhuthazwe ukuthi bake bame ukuhlanyela, ukuze inhlanyelo yabo ingaboli.
Lokhu kuza ngesikhathi kulendawo eziqale ukuthola izulu kuyonaliviki.
Abohlangothi olubona ngomumo womkhathi abeMeteorological Services Department bakhuphe umbiko lo besithi kukhangelelwe ukuba kuzakuna izulu elinengi eledlula i50mm ngoLwesibili eMatabeleland South, eMasvingo kanye leManicaland.
Umbiko lo uveza njalo ukuthi izulu leli lizakuba lilomoya lombane ngakho abantu kufanele bahlale beqaphelile njengoba lilakho ukubhidliza izindlu lokunye.
Lonyaka izulu liphuzile ukuna endaweni zonke zelizwe ngenxa yesikhudumezi se-Elnino esilakho ukwenza ukuthi indawo ezinengi zingatholi izulu elinengi.
Exoxa leStudio7 uMnu Dumisani Nyoni, umqondisi wohlangothi lukahulumende oluphathisa abalimi olweAgritex esabelweni seMatabeleland North ukhuthaze abalimi ukuthi bahlanyele inhlanyelo ephangisa ukuvuthwa.
Your browser doesn’t support HTML5
Ingxoxo loMnu Dumisani Nyoni ngokuqala ukuhlanyela.