Inhlanganiso yabemigodi iZimbabwe Chamber of Mines isicele idale lephalamende ukuthi limise uhlelo lokwabelana amashares amankampani emazweni olukhanya luhlose ukuthathela abamhlophe imigodi yabo olwe Indigenisation.
Inhlanganiso le ibikwa ibhalele idale lephalamende incwadi etshengisa ukuthi bahlutshwa luhlelo lolu oludinga ukuthi amankampani emigodi aveze ukuthi azakwabela njani abansundu amashares njalo lokuthi lokhu kuhle kuqalise ngoMpandula.
Okukhomithi yedale lephalamende ebona ngezemigodi uMnu. Moses Mare uthi ikhomithi yakhe ihlale phansi ngoLwesibili yaxoxisana lesithunywa se Chamber of Mines ngodaba lokwabelana amashares.
Igqwetha eliyingcwethi kwezamalungelo oluntu uMnu. Kucaca Phulu uthi iphalamende ikhangelelwe ukuthi imise loluhlelo loba inengi kubandla le ZANU PF lingazose livumelane ngalokhu.
