WASHINGTON —
Abakumkhankaso we-Blue Movement bathi umhlangano obekumele bawuqhube eGweru uvinjwe ngamapholisa alobe incwadi esithi kabacelenga kahle ukwenza umhlangano lo endaweni encane edolobheni leli.
Incwadi elotshwe ngumkhokheli wamapholisa eNkabazwe uSenior Assistant Commissioner Tafadwa Gumbo uthe iGolf Course akade befuna ukuqhuba umhlangano lo eGweru kayifanelanga ukuba lemihlangano enje.
Kodwa abakumkhankaso weBlue Movement bathi ababusayo sebesesaba ukuthi sebezibambe esidukwini kwezombusazwe.
Umkhankaso lo ngowokulungisela uMnu. Nelson Chamisa okhangelelwe ukuba uzabamba ibandla elitsha kulandela ukutshiya kwakhe ibandla leCitizens Coalition for Change athi seliphethwe nguMongameli Emmerson Mnangagwa labanye bakhe.