Abaphila ngokuthengisa abaku Informal Sector sebethule ugwalo lwezikhalazo zabo kuhulumende olumumethe indaba abafuna ukubona zilungisiswa ukuze benelise ukuquba umsebenzi wabo kakuhle endawani ezitshiyeneyo zelizwe.
Lokhu kulandela umhlangano wabaphila ngokuzenzela abavela kundawana ezitshiyeneyo zelizwe owenzelwe eHarare ngoLwesibili uqoqwe yinhlanganiso ye Zimbabwe Chamber of Informal Economy. Amalunga ngobunengi bawo asole kakhulu indlela aphathwa ngayo.
Unkosikazi Lydia Maphosa osebenzela ePlumtree uthi kuyadingakala ukuba lokhu kulungisiswe.
Uhlangothi olubona ngokubuthaniswa kwemali kahulumende olwe ZIMRA
Abohlangothi olubona ngokubuthaniswa kwemali yelizwe olwe Zimbabwe Revenue Authority bebekhona labo emhlanganweni lo bekhuthaza amalunga eZichiya ukuba amanyane akhulume ngazwi linye kudaba lwemithelo.
Umnumzana Elijah Mutemeri ongumcebisi kulenhlanganiso uthi imithelo ikhathaza abaphila ngokuzenzela:
Ugwalo lwe Petition lolu lukhuthaza uhulumende ukuba etholise abantu abazisebenzayo indawo ezinhle zokusebenzela, etshiyane lomkhubo omubi wokukhetha abantu kusiya ngokuthi basekela bandla bani kwezombusazwe, kwehliswe inani lamalunga edale le phalamende kunye lakudale le cabinet kulokugumula izisebenzi zikahulumende ama civil servants njalo ukuba uhulumende ananze amalungelo abo kulandelwa iziqondiso zesisekelo sombuso welizwe.
Unkosikazi Sithabile Tshuma osebenzela ese Gwanda uthi badinga izinto ezifana lezambuzi, indawo ezinhle zokusebenzela lelungelo lokusebenza lasebusuku.
Inkampani yokulondoloza imali eye Old Mutual
Inkampani yeOld Mutual layo ibi melwe kulumhlangano yakhuthaza abasebenza bezimele ukuba babe lomkhuba wokulungiselela elakusasa ngokulondoloza imali labo ngendlela ezitshiyeneyo abalazo.
Inhlanganiaso ye Zichiya inikeze isipho sa mabin ku kansili yedolobha le Harare njengendlela yokukhomba ukuba bazinikele ukugcina idolobha abasebenzela kilo linhlanzekile.