Abakhubazekileyo bancoma ukubunjwa kohlangothi olukhangelane lenswelo zabo olweParliamentary Diasbility Caucus abathi lukhangelelwe ukubasungulu kokunengi ababhekane lakho eZimbabwe.
UMnu. Masimba Kuchera okunhlanganiso yeCenter for Disability Rights ngomunye wabathakazelela ukusungulwa kohlangothi lolu obesokuleminyaka eminengi lungacaci.
“Ngoba iDisability Caucus izancedisa ukuthi kube le-focus kumbe sithi kube lombono kundaba zeDisability kumbe endabeni zeDisability lapha eZimbabwe. I-Disability Caucus ngokwayo sikhangelele ukuthi bazaba yibo ama-Members of Parliament abazakhuluma ngendaba yeDisability kumbe abazaba ngama-champions kundaba zeDisability nxa sezikhulunywa ephalamende kumbe nxa sekuxoxisanwa ngazo ephalamende.”
Uthi ulethemba lokuthi uhlangothi lolu lwedale lephalamende luzalalela izikhalazo zabakhubazekileyo.
“Into esingathi iyasithabisa kuDisability Caucus le ngeyokuthi ihlangane ama-MPs abale-disability lama-MPs abangelayo i-disability, bonke bahalanganiswa kumbe babuthaniswa ngenjongo eyokuthi indaba zeDisability zikhulunywe, kuxoxwe ngazo ku-Parliament njalo kube lokungaphuma ephalamende.”
Omunye njalo okhubazekileyo osakhulayo uNyasha Chichie Mahwende okunhlanganiso yeDisability Voices in Zimbabwe uthi ukubunjwa kwaleliqembu kuyisibonelo sokuba sebelalelwa abakhubazekileyo.
“Kuzosisiza ukuthi sikhankasele ukuba khona kweDisability Quota ngoba siyayifuna leyo Quota ephalamende. Ngakho siyajabula ukuthi indaba zokukhubazeka zizolalelwa ngenxa ye-Disability Caucus yabakhubazekile.”
Uyakuthakazelela lokhu uMnu. Bekezela Mpala laye okunhlanganiso yeDisability Voices in Zimbabwe.
“Sithabile kakhulu, kuyatshengisela ukuthi abantu abale-disability, ama-requests ethu azakhangelwa kuParliament kube lama-solutions.”
Amalunga akuhlangothi lolu athi kunengi abazakwenzela abakhubazekileyo. Omunye wabakuhlangothi lolu nguMnu. Ishamel Zhou.
“Ku 9th Parliament, iCaucus le ibeincediswa ngama-private players, amaDonors labanye kodwa khathesi i-parliament yiyo esithethe umlandu ifake uCommittee Clerk, ibhadale i-staff njalo ibe ibona ukuthi iDisability Caucus leyi izabe isebenza njani. Sikubona kuyindlela eyinkalakatha yokuthi yi-best practice lapha eAfrica ukuthi kube leDisability Caucus enjalo incedisana lephalamende ukuthi ibe icubungula imithetho ukuthi ibe disability inclusive. Yikho sisithi, hayi siyakubona, sithemba ukuthi kuzadlula kube ku-implimentation kuhambe kuyofika not ukuthi kuphelele khonapho. So yiso isifiso sethu njengabantu abakhubazekileyo.”
UNkosikazi Biatah Nyamupinga Karimatsenga ukhethwe ukuba ngumgcinisihlalo wohlangothi lolu, lwamalunga athoba minwemibili, esekelwa nguMhlonitshwa uJuliana Makuvire. Kuthi uMhlonitshwa uMnu. Daniel Molokele ukhethwe ukuba ngunobhala walo esekelwa nguMhlonitshwa uSenator Anna Shiri kuthi uMhlonitshwa uSenator Tambudzani Mohadi ekhethwe ukuba ngumgcinisikhwama. Abahlonitshwayo abagoqela uSenator Ishmael Zhou, Bridget Nyandoro loRose Mpofu bona bakhethwe ukuba ngamalunga ohlangothi lolu.