Abafelokazi eHwange basekelwa luhlangothi lukahulumende weMelika olubona ngezentuthuko kazulu olweUnited States Agency for International Development (USAID) lezinye inhlanganiso ezizimeleyo ekuqhubeni inhlelo ezigoqela ukulima, ukugebha imithi lokunye ukwenzela ukuziphilisa.
Bebegcwele phamu ngempelaviki abalimi abagoqela abafelokazi laba akade bebukisa ezokulima eChinotimba Stadium eVictoria Falls. Bekukekela amathendele, kukhala inkukhu, kulemvundla ufuywayo, sibi sengulube kanye lezilimo zesintu.
Le yimsebenzi eyenziwa ngomama, ikakhulu abafelokazi bemaphandleni. Omunye walaba nguCecilia Chinkenke weJambezi othi waqala ukulima okuzwayo ngemva kokubhubha komkakhe, owamtshiya labantwana abalitshumi.
“Ubhubhe ngo 1993 ngo August, umntwana omncane wayesamunya ele six month, omdala eku from three omunye two, kodwa ngahle ngagxila enhlelweni zokulima, ngasondela kakhulu kubalimisi ngibuzisisa, lakhathesi kangitshiyani lakho abantwabami bonke bafundile, ngaze ngafundisa labazukulu.”
Sixoxe njalo lomunye umfelokazi uConstance Liteta, wesiqintini sePhongola, eLukosi.
“Ngiyalima inyawuthi, amabele. Imbali yami inje, umkami wabhubha 2009, ngokulima lokhu ngafundisa abantwabami baqeda lama course, bonke bayasebenza. Lakuma shows angihambi ngingawini, last year eHwange ngabayingqnguthela.”
Omama laba bathi kuziqinti abakizo, bathola ulwazi olujulileyo kunhlananganiso ezizimeleyo ezigoqela iWorld Vision eyabakhela izivande, iCaritasemba izikotsho kanye lohlangothi lukahulumende weMelika olweUS Agency for International Development, olubafundisa okunengi phansi kohlelo lweMalima Loko.
Umfelokazi ubukisa akuthungayo
“Basifundisa njalo ngokulima inhlanyelo okuthiwa yi velvet bean eyokugcina izifuyo ngesikhathi lesi sendlala lokuquma amahlanga ngemva kokuvuna ngoba besiwatshiya emile bathi sibowaqoba senze amabhele.”
UNkosikazi Rosemary Muleya wesiqinitini seChilanga esigabeni senduna uNekatambe, yena uthi uyingcitshi kwezokuxoza lokugebha izihlahla zesintu ethengisa. Uthengisa lezithelo zeganga ezigoqela umkhomo enza ngawo amanamunende, amafutha egcotshwa ukwenza ijwabu libencwaba lokunye.
“Inyama yethu ngaphansi iyaphangisa ukwekela njengabomama, kodwa singadla imithi efana labontwolwane inyama iyabuyela endaweni, njalo umkhomo kudala wawuvele udliwa, kodwa abantu sebesidla I cerevita.Wawuncedisa kakhulu ukuthi umntwana uyakhula edlala eqinile usengezelela njalo le iodine usehlisa njalo iBP lethsukela kodwa ungananzella manje umntwana ole 14 kumbe 7 years iBP ngoba sesalahla isintu.”
Loba nje kukuhle abakwenzayo, kodwa izakhamizi lezi zikhala ngokungani kwezulu lokusweleka kwamanzi. Bathi ukuze bethelele, benza ukuwahambela, njalo lezifuyo ziyacuba.
Uhulumende uthi iyezi isikhudumezi somkhathi ese-El Nino sabangela ukuba izulu lingani ngesikhathi sokulima. Abafelokazi laba bathi impilo zabo Ilakho ukuguquka kakhulu lingama kuhle izulu lonyaka.
SEE ALSO:
Udaba Esilwethulelwe NguNokuthaba Dlamini