EzeZimbabwe

Abadabuka eZimbabwe Badinga Imali Yokuthwala Izidumbu Zababulewe Yizizalwane zeSouth Africa eDiepsloot

  • Gibbs Dube

FILE: Kulabadabuka kwamanye amazwe abake babulawa kabuhlungu eDiepsloot lezinye indawo kwele South Africa

Ukubala imbono yabantu

WASHINGTON — 

Abakhonza lababulewe yizizalwane zakwele South Africa elokitshini leDiepsloot ngoLwesihlanu bathi badinga imali yokuthwala izidumbu zabo ukuze ziyengcwatshwa eZimbabwe.

Kubikwa njalo ukuthi isigodlo sakwele Zimbabwe kwele South Africa sizama ukunceda imdeni yombili kulandela ukubulawa kuka Talent Moyo loFelix Nkomo abagangadwa ngamatshe batshiswa ngamathaya emota kucatshangelwa ukuba ngamasela.

UMnu. Henry Hamadziripi omele eleZimbabwe kwele South Africa uthi kuzwisa usizi okwehlele uMoyo odabuka eKezi loNkomo owadabuka eTsholotsho.

Ababili laba babesiya khona endaweni okubikwa ngokuthi Imisebenzi Yamapostoli Church eDiepsloot bethwele izembatho zokukhonza, ezibizwa ngokuthi ngama-gemenzi.

UNcube uthi badinga imali efika phose inkulungwane ezingamatshumi amane - R38,000 yokuthuwala izidumbu zika Moyo loNkomo.

SEE ALSO:

Ingxoxo Esiyenze LoMnu. Mehluli Ncube

Siphinde saxoxa ngodaba lolu loMnu. Nkululeko Gwabalanda Mathe odabuka eZimbabwe othi abadabuka eZimbabwe sebengabomabonwa bebulawe kwele South Africa.

SEE ALSO:

Ingxoxo Esiyenze LoMnu. Nkululeko Mathe

Ngomnyaka ka2022 izizalwane zakwele South Africa zabulala uElvis Nyathi eDiepsloot enganzanga lutho.

Babecabangela ukuba uNyathi, owayesebenzela abantu abatshiyeneyo, lisela elalidingwa kulayondawo.

Abaotshelwa icala lokumbulala bakhitshwa entilongweni ngesibambiso se-bail.