Liviki kuhlelo "Liphuma Lendaba Litshona Lendaba" sixoxa lo Nkosikazi Rita Ndlovu ngodaba lomthetho wokuthi oyabe ehlukanise abatshadileyo, iadultery, kumele ahlawuliswe na?
Loku kulandela udaba olwethulwe emthethwandaba nguNkosikazi Georgina Munjodzi othi uNkosazana Loraine Matione wamdilizela umtshado wakhe ngalokho kumele ahlawule imali engafika $25 000.
Umahluli uvumelane loNkosikazi Matione esithi abantu ababili abatshadileyo yibo abalesivumelwano ngalokho odiliza umtshado kalacal ngoba engekho kusivumelwano somtshado.
Umahluli uthi uzakupha isigwebo sakhe kumalanga amalutshwana alandelayo.
Kodwa uNkosikazi Ndlovu uthi lumthetho akumelanga uguqulwe ngoba uzakhuthaza abanengi ukuthi bacithe imitshado yabanengi.
"Kudala obaba babengelamanga besithi nxa befuna ukuthatha isithembo babikele omama bavumelane," kutsho uNkosikazi Ndlovu.
Wengezelele esithi lezinsuku obaba kabasela qiniso yikho lumethetho ubusenqabela ukuthi kube lokungethembeki.
Your browser doesn’t support HTML5
Uhlelo Liphuma Lendaba