WASHINGTON DC —
Enye yenhlanganiso ezimela ababalisi elizweni, iProgressive Teachers Union of Zimbabwe (PTUZ) ithi amalunga ayo kasoze aye emsebenzini nxa izikolo zingavulwa ngeviki ezayo uhulumende elokhu engakavumi ukubengezelela iholo.
Ukukhulumisana phezu kodaba lweholo phakathi kukahulumende lezisebenzi zakhe kuqale ngeviki edluleyo njalo kuyaqhubeka kuliviki.
IPTUZ ithi umbalisi oselesikhathi efundisa kumele ahole amadola angaba yinkulungwane eyodwa, $1,000.00, kuthi labo abasanda qalisa umsebenzi bahole amadola phose angamakhulu ayisikhombisa, $690.00.
Kodwa afiphele amathuba okuthi izikhalazo zenhlanganiso le zingagcwalisiswa ngoba uhulumende esaziwa ukuthi udatshukelwe, izikhwama zakhe ziyavuza.
Inhlanganiso yeApex Council, yona emela zonke izisebenzi zikahulumende kunkulumo zeholo, ithi izisebenzi ezithola imali ephansi kumele ziholiswe amadola angamakhulu amahlanu lamatshumi amane, $540.
Lanxa iZimta, engenye yenhlanganiso zababalisi isithi ayikaphumi lesinqumo ekuthini amalunga ayo azakhalala umsebenzi na nxa iholo lingakhwezwanga ekuvulweni kwezikolo mhaka 13, iPTUZ ithi amalunga ayo amanengi athi kasoze alugxobe ezikolo.
Umgcinisihlalo weApex Council, ongumkhokheli njalo weZimta, uMnu Richard Gundane uthi bakhangelele ukuthi uhulumende agcwalise izikhalazo zabo izikolo zingakavulwa.
Ukukhulumisana phezu kodaba lweholo phakathi kukahulumende lezisebenzi zakhe kuqale ngeviki edluleyo njalo kuyaqhubeka kuliviki.
IPTUZ ithi umbalisi oselesikhathi efundisa kumele ahole amadola angaba yinkulungwane eyodwa, $1,000.00, kuthi labo abasanda qalisa umsebenzi bahole amadola phose angamakhulu ayisikhombisa, $690.00.
Kodwa afiphele amathuba okuthi izikhalazo zenhlanganiso le zingagcwalisiswa ngoba uhulumende esaziwa ukuthi udatshukelwe, izikhwama zakhe ziyavuza.
Inhlanganiso yeApex Council, yona emela zonke izisebenzi zikahulumende kunkulumo zeholo, ithi izisebenzi ezithola imali ephansi kumele ziholiswe amadola angamakhulu amahlanu lamatshumi amane, $540.
Lanxa iZimta, engenye yenhlanganiso zababalisi isithi ayikaphumi lesinqumo ekuthini amalunga ayo azakhalala umsebenzi na nxa iholo lingakhwezwanga ekuvulweni kwezikolo mhaka 13, iPTUZ ithi amalunga ayo amanengi athi kasoze alugxobe ezikolo.
Umgcinisihlalo weApex Council, ongumkhokheli njalo weZimta, uMnu Richard Gundane uthi bakhangelele ukuthi uhulumende agcwalise izikhalazo zabo izikolo zingakavulwa.