Inhlanganiso emela izakhamizi zako Bulawayo i Bulawayo Residents Association-BURA ikhuthaza izakhamizi zalelidolobho ukuthi zibhadale kancane kancane imali yamagetsi. Inkuthazo le ilandela ukucitshwa kwamagetsi yinkampani yeZESA emizini egoqela iNjube, Magwegwe north leGwabalanda ngenxa yokwehluleka kwezakhamizi ukubhadala amagetsi.
IZESA layo ikhuthaza izakhamizi ukuthi zizimisele ukubhadala amagetsi kancane- kancane nyanga zonke.
UMnumzana Winos Dube ngumgcinisihlalo weBulawayo Residents Association. UDube uthi izakhamizi ezibhekana lobunzima zikhululekile ukuthola amacebo enhlanganisweni le.