Inengi labantu edholobheni lakoBulawayo likhala ngokuthi imali eliyihola ngamadollar emelika, iyawa isisindo nxa isitshintshelwa ku ma randi, okuyiwo asetshenziswa kakhulu ko Bulawayo.
Ukunthintsha imali lokhu, okwazakala ngokuthi yi cross rating, kubikwa, kubangela ukuthi isisindo sedollar leMelika, sehle nxa isintshintshelwa ku maRand, okubangela ukuthi umuntu asale ephethe amaRand athenga okulutshwana kulalowo ozathenga ngedollar linjalo lingantshintshwanga. Esinye salezi zakhamizi uMnu. Njakayise Mlaba, uchasisele uStihandekile Mhlanga oweStudio 7 okwenzakalayo.
Omunye njalo umlaleli we Studio 7, uMnu. Washington Ncube, isizalwane seZimbabwe esisebenzela e South Africa, utshele uSithandekile njalo ukuthi sokungumthwalo onzima ukulondoloza imuli ezisele eZimbabwe ngoba imali esetshenziswayo isiphose ilingane isisindo emazweni womabili.