Eqhubeka ngohlelo lwakhe lokuhlolisisa okwenzakala elizweni, uMnu. Tsvangirai, lamuhla wethekele esibhedlela se Harare Central, lapho athakazelele ukuthi sokulenguquko enkulu kulesisibhedlela kuqathaniswa lesasiyikhokhona ekuqaleni kwawonalo umnyaka.
Isibhedlela lesi sisandakuthola amadola ayisigidi esilengxenye yaso kuhulumende womanyano njalo imali le ibikwa isetshenziswe ukuthenga imithi, lokunye obekuswelakala njalo kwavulwa le wadi yabantwana kulesisibhedlela, yona eyayisivaliwe.
Isikhulumi sikaMnu.Tsvangirai, uMnu. James Maridadi, obemkhaphile lamuhla, utshele uSithandekile Mhlanga we studio 7 ukuthi uhulumende uzakupha imali ezinye izibhedlela ezigoqela impilo le united bulawayo hospitals, ukuze zidinge okuswelakalayo, ngendlela yokuthuthukisa ezempilakahle elizweni.
Asizweni amazwi kaMnu. Maridadi ngesingisi.