Inhlanganiso ye Mass Public Opinion Institute yethule umbiko okhomba ukuthi inengi labantu elizweni, ikakhulu kwele Matabeleland lisekela inhloko kahulumende, uMnu. Morgan Tsvangirai ukwedlula umongameli Robert Mugabe, njalo lithi uhulumende womanyano kasebenzi kuhle.
Inengi libikwa lisithi umahluko omncinyane kuluhulumende ulethwe yikubakhona kuka Tsvangirai kuhulumende womanyano, hatshi uMugabe.
Ukuze sihlaziye loludaba, uSithandekile Mhlanga we studio 7 uxoxe lengcwethi ecubungula ezombusazwe, uMnu. Walter Mbongolwane, yena othi kusobala ukuthi inengi lemandebeleni likhetha u Tsangirai, hatshi ngoba limthemba kakhulu, kodwa enguye yedwa okhona, njalo engcono kulo Mugabe.