Sekuqhamuke ukungezwani phezu kwesikhwama esibunjwe nguhulumende sokubhadala izisebenzi zikahulumende. Umsakazo lamaphephandaba kahulumende athi izisebenzi zikahulumende, ikakhulu ezivela kubandla lemdc zisebenza emahofisini enhloko kahulumende, zihola imali enengi kulezinye izisebenzi zikahulumende.
Iphephandaba le Herald lithi ezinye izisebenzi zemahofisini kaTsvangirai zithola amadollar eMelika azinkulungwane eziyisikhombisa lenxenye-us$7,500 ngenyanga kodwa inengi lezisebenzi zikahulumende lithola amadollar emelika angaba likhulu lenxenye-us$150.00, kuphela ngenyanga. Imizamo yokukhuluma lomphathintambo obona ngokwenzakala emahofisini katsvangirai yehlule kodwa ezinye izisebenzi zehofisini le zitshele iStudio 7 ukuthi ekubunjweni kukahulumende womanyano kubunjwe isikhwama se Multi-Donor Trust Fund sokuhlawula abalemisisebenzi eqhakathekileyo ukwenzela ukuthi bengasuki elizweni besiyadinga imisebenzi.
Lesi sikhwama, kutsho imithombo yolwazi emahofisini kaTsvangirai, siphathisa ukuhlawula izisebenzi zikahulumende ezivela yingqe ibandla elikuhulumende womanyano. Kodwa osaphethe isikhundla somkhokheli wenhlanganiso yamatitshala, iZIMTA, uMnu. Sifiso Ndlovu utshele uChris Gande weStudio 7 ukuthi lanxa lesi sikhwama sizaphathisa uhulumende ukuthi ahuge izisebenzi ezilemisbenzi emqoka loku kwenziwa nsitha okubangela ukuthi kube lokungethembani lokucabangelana.