Umhlangano omkhulu weSadc oqale izolo kwele DRC uphele namuhla inhloko kahulumende uMnu Morgan Tsvangirai esithi ufuna iSadc ifake ilihlo lokhozi kuhulumende womanyano kwele Zimbabwe njalo izame ukulungisisa okuhluphayo.
Ekhuluma eKinshasa kwele DRC ngoLwesibili, uTsvangirai uveze ukuthi iSadc sinikeze ugatsha lwayo lwe Troika ukuthi lukhangele okuhluphayo kuhulumende womanyano kunsukwana ezizayo.
Isikhulumeli sika Tsvangirai uMnu James Maridadi utshele iStudio 7 ngomvulo ukuthi iSadc izaqhuba umhlangano omkhulu okhangelane leZimbabwe kumaviki amathathu azayo.
Kodwa kumbiko yakhe lentathelizindaba uTsvangirai kakuvezanga sobala lokhu. UTsvangirai uthe uzulu weZimbabwe ufuna konke okuhluphayo kuhulumende kulungiswe ngokuphangisa.
Ingcwethi ecubungula ezombusazwe uMnu Brilliant Mhlanga uthi udaba lweZimbabwe lulakho ukwehlula yiloba ngubani ozama ukululungisisa kungakhathalekile ukuthi yinkokheli yeSadc ngokwayo kumbe lugatsha lweSadc Troika.
Ezinye indaba zeStudio 7...