Intathelizindaba ezintathu zomsakazo lephephandaba likahulumende zibikwa zidinga amavisa okuya kwelemelika zona zikuluhlu lwamagama abantu abakuzijeziso zenotho lokungavakatshele lelolizwe.
Intathelizindaba lezi, u Ceaser Zwayi owephephandaba le The Herald lababili obomsakazo weZBC, uNkosazana Judith Makwanya loMnu. Happison Muchechetere babikwa befuna ukuza ngapha kweleMelika bezosakaza okumayelana lohambo lukaMongameli Robert Mugabe ozabe esemhlanganweni we United Nations General Assembly edolobheni le New York.
Iphephandaba lebulenjini iThe Zimbabwe times lithi abathathu laba sebencitshiwe amavisa. Kodwa omunye wabo, uzwayi utshele istudio seven ukuthi ngamanga lawo ngoba bona bekhangelele ukuthola amavisa la ngeviki ezayo. Incwethi ecubungula ezokuqutshwa kwembiko, umnu. Nhlanhla ngwenya utshele uChris Gande weStudio 7 ukuthi okwenziwa zintathelizindaba lezi yikuxopha nje eleMelika ukuze umhlaba wonke jikelele uthi elemelika kalifuni ukudelisa inhliziyo khona sekulohulumende womanyano.