Ingcwethi kwezempilakhale zithi uhulumende womanyano kumele azimisele ukuvuselela
ezempilakahle elizweni. ingcwethi lezi zithi eyinye indlela yokwenza lokhu
yikuthi uhulumende ehlise imali ebhadalwa yizigulane,ukwenzela ukuthi zibuye ngobunengi bazo ezibhedlela ukuthi
zelatshwe. Inengi lilombono wokuthi lalolaba odokotela bengekho ezibhedlela eyinye imbangela yokuthi abagulayo bangayi kizo yimbadalo eqonge kakhulu.
Izibhedlela zikahulumende zibikwa zingela mitshina yokusebenzisa,efana leyokugezisa izinso, impahla ezifana lama gloves, amasyringes, izibane ezisetshenziswa ezindlini zokuhlinzela abagulayo, lokunye okunengi.
Ukusilela kwezinto zokusebenzisa ezibhedlela ngokunye okubangele ukuthi odokotela bakhalale umsebenzi, phezu kokufuna kwabo ukwengezelelwa iholo. Esibhedlela seParerenyatwa kubikwa kulabantu asebehlale khona umnyaka wonke belindele ukuhlinzwa abanye babo kungabantu abehlelwa zingozi zomgwaqo bephuka amathambo. odokotela abalutshwana abasebenzayo bakhala ngokuthi umsebenzi uyabandela.
Sikhulume lodokotela Ruth lLbode oke waphatha isikhundla sokuba ngu Provincial Medical Director esigabeni seMatebeleland North,othi kukhona okungenziwa lugatsha lwezempilakahle ukulungisa okuhluphayo kwezempilakahle elizweni.
Ezinye Indaba ZeStudio7...