Abalandeli beqembu lenguqu ele Highlanders bathi umqeqetshi waleliqembu u Madinda Ndlovu usefana lomuntu otshaya uxakuxaku ngenduku ngokubisela abadlali asebekhulile kuqembu lakhe eliqhuba nzima kulezinsuku.
UMadinda udlalise abadlali asebebadala abathi u Johannes Ngodzo, uMkhuphali Masuku kanye lo Richard Choruma enkabeni yenkundla okuyinto etshiye abalandeli baleliqembu bebuzana ukuba sekuyikuphela yini kwemizamo yokwakha kakutsha iqembu njengalokhu akuthembise ekuqaleni kwesizini.