Ibandla leZanu PF selihlanyele abasakhulayo
balo kanye lababengabalweni bempi yenkululeko ezigabeni ezitshiyeneyo zelizwe ukuyalikhankasela ukuthi kusetshenziswe isisekelo sombuso i Kariba Draft, sona esisolwa kakhulu ngabantu abanengi.
Ibandla leli lifuna uzulu amukele isisekelo lesi, esilotshwelanwe ngo2007 eKariba phakathi kwe Zanu PF lenhlangothi zombili zeMDC. UMongameli Mugabe ukhokhela umkhankaso wokuthi kusetshenziswe lesisisekelo.
Kodwa abakhokheli bamacele wombili eMDC abathi inhloko kahulumende uMnu Morgan Tsvangirai kanye lomsekeli wakhe uMnu Arthur Mutambara, bayakuphikisa lokhu besekelana lenhlanganiso ezizimeleyo besithi isisekelo sombuso kumele sivele kuzulu.
Inhlanganiso ekhankesela ukulotshwa kwesisekelo sombuso esitsha iNational Constitutional Asembly (NCA) ithi isiseklo seKariba lesi sinikeza uMongameli amandla amanengi kakhulu angamelanga abe lawo phansi kombuso okhulukelileyo.
Umgcinisihlalo wenhlanganiso yamagqwetha iZimRights, uMnu Kucaca Phulu utshele uBrenda Moyo weStudio 7 ukuthi uyakusola ukusetshenziswa kwababengabalweli bempi yenkululeko lokhu labatsha beZanu PF, esithi kusobala ukuthi bazasebenzisa udlakela.