Usibalukhulu we bhanga elikhulu lelizwe, ele Reserve, uMnu, Gideon Gono usola amabhanga esithi ahlezi phezu kwezigidi lezigidi zemali angafuni ukuzeboleka abafuna ukuthuthukisa kumbe ukusungula amabhizimusi abo.
Kodwa inhlanganiso yeZimbabwe Banking Association ibikwa isithi ayisoze yeboleke abantu imali ngoba inengi livele alisagcini imali emabhukwini alo emabhanga okwesikhathi eside. Ingcwethi ezicubungula ezomnotho zithi umnotho welizwe uzathatha isikhathi eside ukuthi uvuselelwe ngoba wonakala kakhulu kuminyaka edluleyo njalo uzulu kasathembi amabhanga.
Ezinye ingcwethi zithi njengoba amanye amazwe engafuni ukuzasungula amabhazimusi elizweni ngabe amabhanga ayaphathisa abafuna ukuqala amabhizimusi ukuze bathuthukise umnotho welizwe.
UMnu Rejoice Ngwenya, ingcwethi ecubungula ezomnotho, utshele uSithandekile Mhlanga we studio 7 ukuthi umumo oselizweni ubangela abantu ukuthi bezigcinele imali ezindlini, bengayisi emabhanga.