Uhulumende sesungule umthetho omutsha ozabona ngokusetshenziswa koncedo oluphiwa eleZimbabwe ngamanye amazwe.
Idale lecabinet livumelene phezu komthetho lo kumaviki amabili edluleyo njalo wazakala ngokuthi yi Aid Coordination Policy. Umthetho lo upha inhloko kahulumende uMnu Morgan Tsvangirai amandla okuxwayisa uhulumende ngenhlelo zentuthuko amele eziqakathekise.
Uthi njalo lonke uncedo lwemali olungena elizweni kumele lungene kusikhwama se Multi-Donor Trust Fund, lokuthi usibalukhulu webhanga elikhulu lelizwe uMnu Gideon Gono amelanga ayibambe limali.
Umphathintambo obona ngokwenzakala emawofisini kaMnu Morgan Tsvangirai uMnu Gorden Moyo uqhube umhlangano labameli benhlanganiso ezipha uncedo ezifana leUsaid, EU leUNICEF eHarare ngoLwesithathu eabachasisela ukuthi umthetho lo uzavimba konke ukungethembeki abakucabangelayo ukuthi kungabakhona ekuphathweni kwezimali.
ngoLwesihlanu khona uTsvangirai uzahlangana labameli bamanye amazwe eZimbabwe echasisa ngokwenzakala kuhulumende womanyano. Sixhume uMnu Moyo wasichasisela okunengi ngomthetho we Aid Coordination Policy.