Udaba lukasibalukhulu webhanga elikhulu lelizwe luqhubekela phambili luludaba olusegudwini njalo inkokheli yengatsha ezibona ngezomvikela simanyene loMongameli Mugabe ekuthini uMnu Gideon Gono akumelanga atshiyiswe umsebenzi.
Njengoba uMugabe esemba phansi ngodaba lukaGono lolu, ibandla leMDC lithi selithembele kuSadc ukuthi ingenele lulungisiswe. Amazwe afana leMelika leBhilithani athi afuna kube lenguquko esobala eZimbabwe ukuze aphathise ngemali yokuvuselela umnotho wona omadabudabu.
Inguquko efunwa ngamazwe la igoqela ukususwa kukaGono. Uzulu laye uyalisekela lelinyathelo. Ukuhlaziya loludaba sixhume ingcwethi ezicubungula ezombusazwe uMnu Brilliant Mhlanga yena othi udaba luka Gono kaluqakathekanga loMnu Walter Nsununguli Mbongolwane, yena osekela imizamo yokususa uGono.