Umanyano we European Union uthi uzimisele ukukhulumisana leleZimbawe ukuvuselela ubudlelwano obese bulesikhathi babhidlika. Obekhokhela iqula le European Commission kweleZimbabwe uMnumzana Xavier Marchal uthi kuqakathekile ukuthi i EU_leZimbabwe zakhe ubudlelwano boku qinisa uhulumende womanyano.
I EU ithi eZimbabwe kumele kube lenguquko egoqela ukuhlonitshwa kwelungelo loluntu anduba iphe uhulumende imali yokuthuthukisa ilizwe, kodwa ithi izaqhubeka ngenhlelo zayo zokuphathisa abahluphekayo elizweni.
EleBhilithane lalo elililunga le EU lithi lizimisele ukuvuselela ubudlelwano leZimbabwe. Amazwi la alandela umhlangano owenziwe yinhloko kahulumende uMnumzana Morgan Tsvangirai, lomphathintambo weBhilithane uMnumzana Mark Malloch Brown bendawonye lompathintambo weleZimbabwe obona ngobudlelwano lamanye amazwe uMnumzana Simbarashe Mumbengegwi,ngemelasonto ePretoria. IBhilithane ithi izathumela iqhula ukuyahlolisisa umumo oselizweni kusikhatshana esilandelayo.
UBrenda Moyo WeStudio7 ukhulume lengcwethi ecubungula ezombusazwe uMnumzana Zenzo Nkomo ukuze sizwe ukuthi kambe i EU itshoni uma isithi ifisa kuvuselelwe ubudlelwano leleZimbabwe.