Izakhamizi ze dolobho le Harare ziqubekela phambili zikhalala ukubhadala imitelo yamanzi lokubuthwa kwezibi ngoba ikhansili yaleli dolobho isenza izinto ingavumelananga lezakhamizi.
Umsekeli kamgcini sihlalo wenhlanganiso yezakhamizi ze dolobho le Harare eye Combined Harare Residents Association CHRA uNkosikazi Beatrice Ngwenya uthi iKhansili ye Harare isiphuma lemali zembadalo yama rates ingavumelananga lezakhamizi zaleli dolobha okucina kuphica abanengi ngoba imali abazibhadalisayo zibasinda njalo ingahambelani lomsebenzi owenziwa yile ikhansili.