Iziphathamandla zecele le MDC elikhokhelwa nguMnu. Morgan Tsvangirai kanye lentathelizindaba ethatha imifanekiso abakade bevalelwe ejele ye Chikurubi okwenyanga ezine ezedluleyo sebekhululwe.
Abathathu laba ngu Mnu. Ghandi Mudzingwa, Shadreck Manyere kanye lo Khisimusi Dlamini.
UDlamini ubikwa eselatshwa esibhedlela kulandela ukuhlukuluzwa kwakhe ejele njalo lo Mudzingwa laye ulinyazwe lapho evalelwe.
USithandekile Mhlanga owe Studio 7 uxoxe lo Mnu. Busani Ncube, ingcwethi ecubungula ezombusazwe, yena othi ukukhululwa kwabathathu laba akukhombi ukuthi umongameli Robert Mugabe usenanza amalungelo oluntu ngoba kunengi okusafanele akwenze.