EleBotswana namuhla liveze ukuthi lizanikeza uhulumende weZimbabwe iUS$70 million, phansi kwesicelo esikhwezwe nguhulumende emazweni eSadc.
Iqula leBotswana lifike eHarare ngoLwesine laba lomhlangano lomphathintambo wezemali uMnu Tendai Biti bekhulumisana ngokuthi isikwelede lesi iZimbabwe izasithola njani.
Iqula leli liphinde lahlangana labamabhizimusi bekhulumisana ngodaba lokuvuselela umnotho. Ele South Africa lona linikeze uhulumende imali engange R800 million.
Uhulumende ucele imali engange US$2 billion emazweni eSadc ngenyanga edluleyo athi uyifuna ngokuphangisa ukuze enelise ukuvuselela umnotho.
Amanye amazwe eSadc akhangelelwe ukuthi aveze kusasa ukuthi azanikeza uhulumende weZimbabwe malini. UMnu Biti utshele iStudio 7 ukuthi ujabule kakhulu ngemali abayithole kweleBotswana.
Kodwa uthi uhulumende kumele emise ukuthunjwa kwamapulazi, losibalukhulu webhanga elikhulu uMnu Gideon Gono asuswe esihlalweni ukuze amanye amazwe aphathise.