Abaphathi bejele elikhulu le Khami elingaphandle nje kwedolobho lakoBulawayo sebevule indawo yamangcwaba aqondene lezibotshwa elizweni kulandela ukwanda kwenani lezibotshwa ezifela ejele.
Izibotshwa ezinengi ezidlula e Khami azilalo ithuba lokuphuma zingelawo
umkhuhlane obangwa yindlala kumbe ezinye izinto ezinengi ezingahambisani
lempilakahle kazulu ezitholakala lapho. Liya ngokwanda inani lezigulane
ezikhutshwa emajele ako Bulawayo kanye le Khami sezibangwa lezibi zifike zifele
emakhaya.
Abamankampani azimele wodwa abesiza uhulumende ngokungcwaba izidumbu
zezibotshwa eziswela izihlobo sebawukhalala lowo msebenzi ngoba uhulumende
engaselayo imali yokubhadala. Kulandela lokhu, abaphathi bejele elikhulu leKhami,
lona okuyilo osekuphelele khona izibotshwa ezinengi, sebebone kungcono ukuthi
bavele bazivulele eyabo indawo yokungcwaba izibotshwa ezifela ejele leli.