Lanxa inani labantu abahlaselwa yisihudo se cholera libikwa selisehla, inhlanganiso ezizimeleyo zikhala ngokuthi ingcekeza lokuswelakala kwamanzi ahlanzekileyo emadolobheni lemaphandleni kungabangela ukuthi umkhuhlane lo ungaphelisisi du.
UMnumzana Mmeli Dube, isiphathamandla se Combined Harare Residents Association, (CHRA) utshele uSithandekile Mhlanga we studio 7 ukuthi ukwehla kwenani labantu abahlaselwa ngumkhuhlane we cholera kubangelwa yimizamo eyenziwa zinhlanganiso ezizimeleyo njalo akutsho ukuthi uhlupho lokuswelakala kwamanzi okuyilo isisusa sendaba solulungisiwe.