Umphathintambo obona ngezemali uMnumzanaTendai Biti uthi eleZimbabwe lifuna uncedo lwemali yokulivuselela , ngoba nxa loluncedo lungatholakalanga izinto zilakho ukuphambaniseka kakhulu.UBiti ukhuthaza ohulumende bamanye amazwe omhlaba ukuphathisa ukwenqabela udubo olungehlela ilizwe.
Ngenyanga edluleyo uBiti ufake isicelo soncedo lwemali engangamabillion amabili amadollar eMelika kunhlanganiso yeSADC yokuphathisa abalambayo ngokudla lokwelapha umkhuhlane wecholera.
Kuyonale iviki ele Australia libe ngelakuqala ukwesula izijeziso zenotho ngokuthi lizakupha iZimbabwe izigidi ezilitshumi zamadollar e Australia kunhlanganiso ye UNICEF leyinye eyakweleBhilithane iDepartment of International Development. Kodwa uBiti uthi imali enikwa inhlanganiso ezizimeleyo le ayisoze incedise ukuthuthukisa ilizwe.
UBrenda Moyo westudio 7 ukhulume lengcwethi ecubungula ezombusazwe uMnumzana Walter Nsununguli Mbongolwane othi amazwi kaBiti la uwaqondise kuSADC.
Ezinye Indaba ZeStudio7....