Inhlanganiso ebona ngezempilakahle emhlabeni jikelele eye World Health Organisation-WHO, ithi inani lasebebulewe ngumkhuhlane we cholera seliqonge ledlula inkulungwane ezintathu-3 397 njalo elabahlaselwe yilumkhuhlane selifika phose kunkulungwane eziyisikhombisa- 69 397.
Inhlanganiso le ithi umkhuhlane lo, ususabalala esigabeni se Nkayi e Matabeleland North, lapho osuhlasele khona ihlekana labantu. Umeli walesisigaba edale lephalamende, uMnu. Abednico Bhebhe, utshele uSithandekile Mhlanga we studio 7 ukuthi lokhu akusoze kumangalise ngoba icholera isihlasele kakhulu e Gokwe South le Gokwe North duzane leNkayi.
Silokhu sikudaba lwe cholera, uSithandekile Mhlanga westudio 7 uxoxe Labalaleli abalandelayo, ukuze sizwe imbono yabo ngomkhuhlane lo.